嘉菲....飛.飛.飛.飛.飛.......

材料 :

房子  一間

家人  一群

關心  大量

支持  大量

尊重  適量

依賴  適量

調味料(可隨喜好選擇份量) :

歡笑,體諒,付出,傾訴,合作,了解,分擔

吵鬧,厭惡,自私,責怪,計較,猜疑,辱罵

保存時間 :一生一世

首先將一群家人放進一間房子,然後加入大量的關心和支持,再慢慢加入適量的尊重和依賴,最後把他們放在一起十年八載,這樣,一個”家”的皺型已經出來啦!

接著,因應自己的喜好,選擇自己想要的調味料,加入不同的調味料會令”家”出現不同的效果.謹記此部份是十分重要的,可能大家會因為一個無心之失,又或者剎那衝動而不小心加錯了調味料,一個會破壞”家”的味道的調味料!就算你之後很用心去做很多事想去補救;就算你希望全部事情可以重頭再來過,但是大家最後可能救回的只不過是”家”的型,而非”家”的味….況且很多事發生了就已成事實,無法再重新再來..…..所以大家在作出選擇之前一定要想清楚,到底那些味道是自己想要的….因為一個”家”的保存時間是一生一世,是對是錯都是一樣的…..如果因為自己一時的錯誤決定而後悔一世,值得嗎 ??????

願世上所有人都有一個甜蜜而溫馨的家....珍惜現在所擁有的一切........

唔知係唔係近排超得閒 ,心情又ok靚…..所以成日周圍搵人吹水,尋晚又約班 friend出尖咀食飯…當一班口水友聚埋一齊,一餐飯就食左4個几鐘啦…時間真係過得好快…..我感覺只不過講左一陣野咋,就已經12點几啦,跟住大家重意猶未盡繼續殺入諾士佛台噴口水.....

唔知係咪心理作用,硬係覺得尖咀d酒係淡d既喎….定係因為我講得太多野,口干呢?我飲到high high地,竟然學人酒駁酒 ,飲左4杯唔知係咩既cocktail .不過尋晚都ok 堅呀,我竟然無醉…座抵重可以自己返到屋企…..不過返到去就唔掂啦…個人開始暈同埋好眼瞓,而且重係噤嘔,超辛苦,跟住都唔知自己點樣爬番上床瞓既….今朝4點几已經頭痛醒左…好辛苦…又口干,又頭痛,瞓又唔係坐又唔係…….好似人地生仔,想生又生唔出個種感覺,超難頂…..今朝食左2粒panadol,不過依家都係keep住好頭痛….正係知兩個字”辛苦”.

諗諗下我下次都係唔好噤博命啦…始終年齡大啦….況且自己知自己事 …下次我諗都係嗌杯西瓜汁飲下算啦……座抵下火又唔易醉….唔知d bar有無西瓜汁叫呢…?

尋日走左去舊公司探班舊同事…

真係好耐無見佢地啦….都OK 掛住佢地架…

哈哈!!D小姐同Y小姐竟然出大堂迎賓呀….

嘩!D小姐你搞乜呀…好似肥左D喎(你要減肥啦)….

哈哈..Y小姐竟然話為左我尋晚瞓唔著tim,我真係信你架…哼哼

跟住見到我阿姐S小姐 , 唔好講笑…我諗佢係噤多個入面變得最多個個….直情成個人漲晒…塊面圓到呢…..哈哈…所以你好難怪人地話你有左架.. , 因為你個樣真係好似呀…不過如果有左都好呀…係好事黎架….恭喜晒….

F小姐勁搞野 , 剪左個冬日限定頭….都好襯你呀..夠低能…

重有阿妹呀…個樣”成熟”左好多…keep 下啦.,阿妹 …..

跟住H小姐& J小姐都走埋黎吹水……佢地都無乜點變呀….

最後去左D小姐房噴口水 , 哈哈…D小姐真係好好笑….佢好似受左某D刺激噤 , 係噤叫我地去apply 個份job , 我覺得D小姐你應該係收左間公司 commission 架….不過我地都會試下啦…放心啦…

成個吹水行程差唔多用左成3個鍾呀….真係有d堅…

講真岩岩入去個個刻 , 我真係覺得好有壓迫感 , 點講呢 , 當我見到成櫃file 成地布 ,個感覺就好似俾好多野包住噤 , 好似做極都做唔晒….

再見到 replace我個女仔 , 我覺得佢個樣好愁 , 唔知我以前係唔係都係噤愁既呢 ?

如果你問我有無後悔離開呢間公司 , 我可以話俾你知…”無” , 因為呢間公司真係俾到我好大既壓力,但講真我亦都係呢間公司學到好多野,而且係呢度我識左好多朋友,可能大家廢廢地 ,所以都相處得好好,好少是非,呢D野係出面公司好難搵到架.….亦可能就係因為呢個原因令到我係呢間公司留左噤多年….

所以我會掛住你地架……I'll Miss You All Forever,Keep In Touch La...